جکارتہ: (ویب ڈیسک) انڈونیشیا کے شہر جکارتہ میں ایک بچی کی ویڈیو وائرل ہو رہی ہے جس میں وہ مگر مچھ کے دانت برش کرنے میں مصروف ہے۔
غیر ملکی خبر رساں ادارے کے مطابق بچوں کی بلیوں اور کتوں سے دوستی کے کئی مناظر سامنے ٓآتے رہتے ہیں تاہم انڈونیشیا میں ایک ایسی ویڈیو سامنے آئی ہے جسے سب دیکھ کر حیران رہ گئے ہیں جس میں ایک ننھی بچی مگر مچھ کے دانت صاف کرنے میں مصروف ہے۔
ویڈیو میں دیکھا جا سکتا ہے بچی مگرمچھ کے ساتھ ایسے کھیل رہی ہے جیسے کوئی کھلونا اس کے پاس پڑا ہو، صرف یہی نہیں اپنے پالتو مگرمچھ کی دیکھ بھال اور خیال بھی خوب رکھتی ہے۔
ننھی پری کی مگرمچھ کے ساتھ ویڈیو سوشل میڈیا پر بے حد مقبول ہو رہی ہے جسے اب تک لاکھوں افراد دیکھ چکے ہیں اور بچی کے اس عمل پر انہیں خود داد دے رہے ہیں۔
