بیجنگ: (روزنامہ دنیا) چین کے چڑیا گھر میں 18 پانڈوں کی پہلی سالگرہ ایک ساتھ دھوم دھام سے منائی گئی، اس موقع پر جہاں پانڈے تحفے تحائف وصول کر کے خوش دکھائی دیئے وہیں کیک کھا کر لطف اندوز بھی ہوئے۔
میڈیا رپورٹ کے مطابق چینی صوبے سیچوآن کی کاؤنٹی وینچوآن کے وولونگ نیشنل نیچر ریزرو سنٹر میں ایک یا دو نہیں بلکہ 18پانڈوں کی پہلی سالگرہ کے موقع پر انتظامیہ کی جانب سے نہ صرف ریزرو سنٹر کو خوبصورتی سے سجایا گیا بلکہ پانڈوں کیلئے خصوصی کیک اور تحائف کا بھی اہتمام کیا گیا تھا۔
برتھ ڈے کیک سے لطف اندوز ہوتے، تحفے حاصل کرنے کی کوشش میں لڑتے جھگڑے اور شرارتیں کرتے پانڈوں کی دلچسپ حرکتوں نے دیکھنے والوں کو خوب محظوظ کیا۔
