کیو: (روزنامہ دنیا) یوکرین میں ننھے بچوں کے درمیان گھٹنوں کے بل دوڑنے کا دلچسپ مقابلہ منعقد کیا گیا۔ شائقین ننھے بچوں کی دلفریب اداوں سے محظوظ بھی ہوئے اور داد دے کر حوصلہ افزائی بھی کرتے رہے۔
میڈیا رپورٹ کے مطابق اس دلچسپ مقابلے میں گھٹنوں کے بل چلتے معصوم بچوں نے خوب مزے سے ریس لگا کر دیکھنے والوں کے دل جیت لئے۔ بے بی کرالنگ ریس کے دلچسپ مقابلے میں آٹھ سے اٹھارہ ماہ کی عمر کے شہزادے اور شہزادیوں نے اپنے والدین کے ہمراہ شرکت کی اور خوب مزے سے گھٹنوں کے بل دوڑتے نظر آئے۔
اس موقع پر موجود شائقین جہاں ننھے بچوں کی دلفریب اداوں سے محظوظ ہوئے وہیں ریس جیتنے کیلئے داد دے کر ان کی حوصلہ افزائی بھی کرتے رہے، بعد ازاں جیتنے والے بچوں کے والدین کو انعامات سے بھی نوازا گیا۔
