نئی دہلی: (ویب ڈیسک) ڈاکو نے بھارتی شہری کا ڈیبٹ کارڈ چوری کرنے کے بعد اکاؤنٹ سے 50 ہزار خطیر رقم دوسرے بینک اکاؤنٹ میں منتقل کر دی۔
تفصیلات کے مطابق رقم چوری کا یہ انوکھا واقعہ بھارتی ریاست مغربی بنگال کے شہر کلکتہ میں پیش آیا جہاں ایک 60 سالہ شخص کے بینک اکاؤنٹ سے 50 ہزار روپے کسی انجان اکاؤنٹ میں منتقل ہوئے تھے۔
بزرگ شہری نے واقعے کی شکایت درج کراتے ہوئے بتایا کہ گزشتہ ماہ میرا ڈیبٹ کارڈ چوری ہوگیا تھا اور اب مختلف ٹرانسیکشن کے ذریعے میرے اکاؤنٹ سے بڑی رقم کسی اور اکاؤنٹ میں منتقل ہوچکی ہے۔
میڈیا رپورٹس کے مطابق شکایت کنندہ گوتم مکرجی جو ایک ریٹائرڈ سرکاری ملازم ہیں کا کہنا ہے کہ میں نے جمعرات کو اے ٹی ایم سے رقم نکالنے کی کوشش تو کارڈ نے کام نہیں کیا جس پر مجھے شک ہوا اور میں نے اپنا اکاؤنٹ چیک کروایا تو معلوم ہوا کہ میرے اکاؤنٹ سے 51533 انجان اکاؤنٹ میں منتقل ہوئے ہیں۔
ان کا کہنا تھا کہ میں نے پولیس سے رابطہ کیا اور شکایت درج کروائی، آخری مرتبہ 28 فروری کو رقم نکالی تھی اور باہر ہوتے ایک شخص سے ٹکرایا تو اے ٹی ایم وہی گر گیا تھا پھر کچھ دیر بعد کسی نے مجھے میرا کارڈ میرے حوالے کیا۔
پولیس نے اپنے بیان میں کہا کہ ممکن ہے کہ جب متاثرہ شہری رقم نکال رہا تو چور نے کارڈ کا کوڈ دیکھ لیا ہو اور جب متاثرہ شخص باہر تو چور جان بوجھ کر ان سے ٹکرایا تاکہ کارڈ گرجائے، جس کے بعد چور نے کارڈ اٹھایا اور 50 ہزار کی رقم منتقل کرلی۔
پولیس کا کہنا تھا کہ ہم نے چوری اور دھوکے بازی کی دفعات کے تحت واقعے کا مقدمہ درج کرلیا ہے اور سی سی ٹی وی فوٹیج کی مدد سے چور کو تلاش کرنے کی کوشش کررہے ہیں۔
