نیویارک: (روزنامہ دنیا) امریکا میں ریچھ کے جنرل سٹور سے چپس کا پیکٹ چرانے کی ویڈیو وائرل ہو گئی۔
میڈیا رپورٹ کے مطابق امریکی ریاست کیلی فورنیا کے جنرل سٹور میں ریچھ داخل ہوا اور منہ میں چپس کا پیکٹ دبا کر باہر نکل گیا جس کی ویڈیو سوشل میڈیا پر وائرل ہوگئی۔ ویڈیو میں جنگلی ریچھ کو جنرل سٹور میں گھومتے ہوئے دیکھا جاسکتا ہے ، کچھ لمحوں کے بعد ریچھ چپس کا ایک بیگ منہ میں پکڑا اور سٹور سے باہر نکل گیا۔
ریچھ کی ویڈیو کوایک خاتون نے کیمرے میں محفوظ کرلیا، خاتون سٹور کے اندر جارہی تھی جب انہوں نے دیکھا کہ ریچھ چپس لے کر باہر جا رہا ہے۔
