نئی دہلی: (ویب ڈیسک) گرمی کو دور بھگانے کے لیے دنیا میں نئے طریقوں پر عمل ہوتا ہے تاہم بھارت سے ایک حیران کن خبر نے سب کو ورطہ حیرت میں ڈال دیا ہے، جہاں پر گدھے سے گرمی کا منفرد توڑ نکال کر سب کو ششدر کردیا۔
سماجی رابطے کی ویب سائٹ ٹویٹر پر بھارتی گاؤں کے باسیوں کی ویڈیو وائرل ہورہی ہے جس میں دیکھا جاسکتا ہے کہ چارپائی پر بیٹھے کچھ افراد گرمی کو شکست دینے کے لیے گدھے سے چلنے والا دستی پنکھا استعمال کررہے ہیں۔
54 سیکنڈ پر مشتمل ویڈیو میں دیکھا جاسکتاہے کہ ویران علاقے میں چارپائی پر کچھ افراد بیٹھے ہیں، ایک لمبے ڈنڈے پر دو چادریں لٹکی ہوئی ہیں اور ڈنڈے سے ہی گدھے کو بھی باندھا گیا ہے، جب گدھا ڈنڈے کے گرد گھومتا ہے تو چادریں چارپائی پر بیٹھے افراد کو ہوا دیتی ہیں۔
#Summer Solutions -
— Rupin Sharma IPS (@rupin1992) April 19, 2021
देसी उपाय गर्मी से बचने का..
पड़ोस से....@hvgoenka @vinodkapri pic.twitter.com/KHQVxj0Unn
ٹوئٹر پر سوشل میڈیا صارفین کی بڑی تعداد یہ ویڈیو شیئر کرتے ہوئے بھارتیوں کو تنقید کا نشانہ بنارہی ہے۔ ایک صارف نے ویڈیو شیئر کرتے ہوئے لکھا کہ جانور پر تشدد تخلیق کی قیمت۔
Creativity at the cost of torturing the animal...
— SUDHIR VASHISHTHA (@iamvashishtha) April 20, 2021
سوشل میڈیا صارف نے لکھا کہ کسی بے زبان جانور کا استعمال نہیں کرنا چاہیے آپ تجربہ کیجیے لیکن کسی انسان اور جانور کا استعمال نہ کیجیے۔ ایک اور صارف نے لکھا اپنے فائدے کے لیے کسی جانور کے ساتھ ایسا نہیں کرسکتے۔
