لاس اینجلس : ( ویب ڈیسک ) ہالی ووڈ اداکار اور امریکی ریاست کیلی فورنیا کے سابق گورنر آرنلڈ شوارزنیگر نے سڑک پر ہونے والا گڑھا اپنی مدد آپ کے تحت ہی بھر دیا۔
معروف اداکار نے سماجی رابطے کی ویب سائٹ ٹوئٹر پر اپنی ایک ویڈیو شیئر کی جس میں انہیں اپنے ایک مدد گار کے ساتھ سڑک پر ہونے والا گڑھا بھرتے دیکھا جا سکتا ہے، وہ ہاتھوں میں اٹھائے بیلچے کی مدد سے گڑھے میں بجری بھر رہے ہیں۔
انہوں نے ٹویٹر پر لکھا پورا محلہ اس بڑے گڑھے کے باعث پریشانی کا شکار تھا، اور سائیکلوں اور کاروں کو گزرنے میں مشکلات پیش آرہی تھیں، آج میں اپنی ٹیم کے ساتھ باہر آیا اور خود ہی اسے ٹھیک کر دیا۔
Today, after the whole neighborhood has been upset about this giant pothole that’s been screwing up cars and bicycles for weeks, I went out with my team and fixed it. I always say, let’s not complain, let’s do something about it. Here you go. pic.twitter.com/aslhkUShvT
— Arnold (@Schwarzenegger) April 11, 2023
ایک پڑوسی نے اپنی کار کی کھڑکی نیچے کی اور ایکشن فلم سٹار کا شکریہ ادا کیا۔
