کانپور: (ویب ڈیسک) بھارت میں چلتی ٹرین سے سامان چوری کرنے کیلئے ایک شخص نے اپنی جان خطرے میں ڈال دی جس کی ویڈیو سوشل میڈیا پر وائرل ہوگئی۔
سوشل میڈیا پر ویڈیو گردش کر رہی ہے جس میں ایک شخص کو چلتی ٹرین کی کھڑکی سے لٹکتے ہوئے دکھایا گیا ہے، ویڈیو میں دیکھا جا سکتا ہے کہ مبینہ طور پر چور فرار ہونے کی کوشش میں خطرناک حالت میں پھنس گیا اور اس نے غلطی سے دوسری ٹرین سے چلتی ٹرین میں چھلانگ لگا دی۔
فوٹو اینڈ ویڈیو شیئرنگ ایپ انسٹاگرام صارف نے ویڈیو شیئر کی اور لکھا کہ زندگی سے پیار نہیں ہے۔
ویڈیو میں مبینہ چور کو ٹرین کی کھڑکی سے لٹکتے ہوئے دیکھا جاسکتا ہے اور وہ ٹرین میں سے سامان اٹھانے کی کوشش کر رہا ہے جبکہ مسافر ویڈیو بنانے میں مصروف ہیں۔
ویڈیو ریکارڈ کرنے والے شخص نے دعویٰ کیا کہ یہ شخص ایک گھنٹے سے زیادہ ٹرین کی کھڑکی سے لٹکا رہا۔
سوشل میڈیا صارفین نے اس پر تبصرہ کرتے ہوئے لکھا کہ "یہ چور پرو میکس ہے،” ایک اور صارف نے لکھا، ’’یہ اگلے درجے کا چور ہے بھائی‘‘۔
کئی صارفین نے لکھا کہ لوگ ویڈیو بنانے میں مصروف ہیں کوئی اس کی مدد نہیں کر رہا۔
