پیرس: (ویب ڈیسک) موبائل کا لاؤڈ سپیکر کھول کر کال سننے پر فرانسیسی مسافر پر بھاری جرمانہ عائد کر دیا گیا۔
رپورٹس کے مطابق فرانس کے نانتیز ریلوے سٹیشن میں پلیٹ فارم پر ڈیوڈ نامی مسافر فون کا سپیکر کھولے بہن سے باتیں کر رہا تھا کہ ایک ریلوے اہلکار نے آ کر اسے سپیکر بند کرنے کو کہا اور بتایا کہ اس نے سپیکر بند نہ کیا تو اس کو جرمانہ بھرنا پڑے گا۔
ڈیوڈ سمجھا وہ مذاق کر رہا ہے، اس لئے ہنسنے لگا، اہلکار نے اسی وقت 150 یورو کا جرمانہ کر دیا جو بڑھ کر اس وجہ سے 200 یورو(58 ہزار روپے) ہوگیا کہ ڈیوڈ موقع پر ادا نہ کر سکا تھا۔
ریلوے سٹیشن انتظامیہ سے مسافروں نے شکایت کی تھی کہ وہ ڈیوڈ کی بلند آہنگ گفتگو سے تنگ ہیں، اس باعث یہ قدم اٹھایا گیا۔
