دبئی: (ویب ڈیسک) رشوت کا لین دین کسی بی مہذب معاشرے میں پسند نہیں کیا جاتا تاہم پھر بھی خفیہ اور اعلانیہ رشوت کا بازار گرم رہتا ہے، عموماً سرکاری کاموں کی تکمیل کیلئے رشوت کا لینا اور دینا عام ہے۔
لیکن آپ کو ایک ایسی بیوی سے متعلق بتا رہے ہیں جس نے اپنے شوہر سے بھاری رشوت وصول کی۔
بھارتی میڈیا کے مطابق یہ خاتون برطانوی نژاد ہے جو دبئی میں مقیم اور اس نے اپنے ہی بچے کی پیدائش کیلئے شوہر سے کروڑوں روپے اینٹھ لئے ہیں۔
رپورٹ کے مطابق ملائیکہ راجا نامی خاتون نے خود یہ انکشاف کیا کہ اس نے ماں بننے کیلئے اپنے شوہر سے 33 کروڑ بھارتی (پاکستانی کرنسی میں مالیت ایک ارب روپے سے زائد) وصول کی اور میرے شوہر نے بغیر کسی اعتراض کے میرا یہ مطالبہ پورا کیا۔
خاتون نے برملہ اعتراف کیا کہ اس نے یہ شادی پیسوں کیلئے کی تھی اور اسی وقت ڈیمانڈ رکھی تھی کہ اپنی اور بچے کے مالی تحفظ کی یقین دہانی کے بغیر وہ ماں نہیں بنیں گی۔
ملائیکہ نے بتایا کہ اس نے یہ رقم خود پر اور دنیا میں آنے والی اپنی بچی پر خرچ کی، بچی کیلئے 15 کروڑ روپے مالیت کا شاندار گھر خریدا، اس کے علاوہ تزئین و آرائش کیلئے قیمتی سامان، زیورات، ڈیزائنر لباس، گلابی جی ویگن کار اور دیگر پرتعیش اشیا خریدیں۔
خاتون نے بتایا کہ ان کی اپنے شوہر سے 2017 میں پہلی ملاقات ہوئی تھی اور اسی برس انہوں نے شادی کر لی تھی۔
