ایبٹ آباد: (دنیا نیوز) ہزارہ ڈویژن کے علاقہ کوہستان سے 28 سال بعد برف کے گلیشئر سے لاش بر آمد ہو گئی۔
حالیہ دنوں میں جب برف پگھلنے کا سلسلہ شروع ہوا تو مقامی چرواہوں نے گلیشئر کے کنارے انسانی لاش پڑی دیکھی۔
نذیرالدین ولد بہرام کی لاش 28 سال بعد لیدی پالس کے گلیشئر سے صحیح حالت میں برآمد ہوئی، وہ 28 سال قبل برفانی طوفان کی نذر ہو کر لاپتا ہو گئے تھے۔
لاش پر واسکٹ موجود تھی اور جیب سے شناختی کارڈ بھی برآمد ہوا، جس سے ان کی شناخت ممکن ہوئی۔
نذیرالدین 1997 میں سپٹ سے واپسی کے دوران اپنے گھوڑے سمیت گلیشئر کی ایک دراڑ میں گر کر لاپتہ ہو گئے تھے۔
کئی دنوں تک ان کی تلاش جاری رہی، مگر کوئی سراغ نہ مل سکا اور بالآخر انہیں لاپتہ قرار دے دیا گیا۔
