چینی انجینئرنگ کا شاہکار، دنیا کا بلند ترین 'ہواجیانگ گرینڈ کینین بریج' مکمل

بیجنگ: (دنیا نیوز) چین میں بنایا جانے والا انجینئرنگ کا ایک اورعظیم شاہکار، پہاڑ کاٹ کر دنیا کا بلند ترین پل تعمیر کر لیا گیا، ویڈیو دیکھنے والے دنگ رہ گئے۔

چین کے جنوب مغربی پہاڑی علاقے گوئژو میں پہاڑوں کو کاٹ کر نیا ہائی وے اور پل تعمیر کیا گیا، ہواجیانگ گرینڈ کینین برج نے دنیا کے سب سے بلند ترین پل کا اعزاز حاصل کر لیا۔

دنیا کا بلند ترین پل رواں سال کے آخر تک عوام کیلئے کھول دیا جائے گا، 2 ہزار 51 فٹ بلند یہ پل اپنی بلندی کی وجہ سے دنیا کا سب سے اونچا پل کہلائے گا۔