میڈرڈ: (ویب ڈیسک) سپین میں منعقد ہونے والا ٹماٹر فیسٹیول اس سال بھی جوش و خروش سے منایا گیا، سپین کی دیکھا دیکھی اب یہ دوسرے ملکوں میں بھی منایا جانے لگا ہے۔
دنیا میں مختلف قسم کے ثقافتی میلے منعقد کیے جاتے ہیں مگر سپین کا لا ٹوماتینا فیسٹیول دنیا بھر میں اپنی پہچان رکھتا ہے اور یہ فیسٹیول 1945 سے ہر سال منایا جاتا ہے۔
رپورٹ کے مطابق سپین کے شہر بونیول میں ٹماٹر فیسٹیول کا 80 واں ایڈیشن منایا گیا جہاں 22 ہزار افراد نے تقریباً 120 ٹن ٹماٹر ایک دوسرے پر پھینکے، ایک گھنٹے تک جاری اس دنگل میں شرکاء چشمے اور ائیر پلگس پہن کر گلیوں میں ٹماٹروں کے سیلاب میں کھیلتے رہے۔
1945ء سے شروع ہونے والا یہ انوکھا میلہ آج سپین کی ثقافت کا حصہ اور دنیا بھر کے سیاحوں کے لیے کشش کا باعث بن چکا ہے۔
