ریاض: (ویب ڈیسک) سعودی عرب میں 10سال سے کم عمر کے بچوں کو کسی بالغ کے بغیر گاڑی میں چھوڑنا ٹریفک خلاف ورزی قرار دے دیا گیا۔
سبق ویب سائٹ کے مطابق محکمہ ٹریفک نے کہا ہے کہ ایسا کرنے پر 300 ریال سے 500 ریال تک جرمانہ عائد کیا جا سکتا ہے، بچوں کی سلامتی والدین کی ذمہ داری ہے اور انہیں گاڑی کے اندر چھوڑ دینا ان کی جان کو خطرے میں ڈالنے کے برابر ہے۔
محکمہ ٹریفک نے اس بات پر زور دیا کہ ٹریفک کے قوانین اور ہدایات کی پابندی ضروری ہے، سفر کے دوران بچوں کی حفاظت کو یقینی بنانے کے اقدامات اختیار کئے جائیں۔
حکام نے کہا ہے کہ ان سزاؤں کا مقصد سماجی شعور میں اضافہ کرنا اور انسانی جانوں کا تحفظ ہے۔
