لندن: برطانیہ نے 2013ء کے آخر تک اپنے 9 ہزار میں سے 38 سو فوجی افغانستان سے نکالنے کا اعلان کیا ہے۔ وزیراعظم ڈیوڈ کیمرون نے پارلیمنٹ کو بتایا کہ 2013ء اور 2014ء ہمارے فوجیوں کی وطن واپسی کے سال ہیں۔ 2013ء کے اختتام پر افغانستان میں موجود ہمارے فوجیوں کی تعداد 52 سو ہو جائے گی جو اس وقت 9 ہزار ہے۔ کیمرون نے کہا کہ 2014ء کے بعد کتنے فوجی افغانستان میں رہیں گے اس کا فیصلہ ابھی نہیں ہوا۔ 2014ء کے اختتام تک نیٹو نے تمام تر فوج واپس بلانے کا فیصلہ کر رکھا ہے تاہم برطانوی وزیراعظم نے کہا کہ برطانیہ تربیتی امور میں مدد دیتا رہے گا۔