سیاٹل: (ویب ڈیسک) امریکی شہر سیاٹل کے سی ٹیک ایئرپورٹ سے بغیر اجازت اڑایا جانے والا کمرشل طیارہ کیٹرون آئی لینڈمیں گر کر تباہ ہوگیا۔ سی ٹیک ایئرپورٹ حکام کے مطابق الاسکا ایئرلائنز کا طیارہ کمپنی کے ایک مکینک نے چوری کیا اور بغیر اجازت اڑا کر لے گیا، طیارے میں مسافر موجود نہیں تھے۔
اس حوالے سے سی ٹیک ایئرپورٹ نے اپنے ٹوئٹر پیغام میں لکھا، ایک ایئرلائن کے ملازم نے بغیر اجازت سی ٹیک ایئرپورٹ سے ایک طیارہ اڑایا، جس میں کوئی مسافر نہیں تھا، جو گرکر تباہ ہوگیا ہے ، جبکہ ایئرپورٹ پر معمول کا آپریشن بحال کر دیا گیا ہے۔
پولیس حکام کے مطابق امریکی فوج کے دو ایف 15 طیاروں نے الاسکا ایئر لائنز کے طیارے کا تعاقب بھی کیا۔ ایئرلائن نے اپنے ٹوئٹر پیغام میں لکھا، ہم ہورائزن ایئر کیو 400 طیارے کے بغیر اجازت اڑائے جانے کے واقعے سے آگاہ ہیں، لیکن اس میں کوئی مسافر نہیں تھا ۔
@KING5Seattle here’s a video of the hijacked plane and fighter escort from Steilacoom in the ferry line for anderson Island pic.twitter.com/8fgAUe05xv
— Kai Simpson (@Kai_AHS) August 11, 2018
این بی سی نیوز کی رپورٹ کے مطابق طیارے کی چوری کی رپورٹ رات ساڑھے 8 بجے کے قریب ملی جبکہ 15 منٹ بعد ہی کیٹرون آئی لینڈ کے قریب سے دھویں کے بادل اٹھتے ہوئے دیکھے گئے۔ پولیس کا کہنا ہے کہ مکینک کے پاس طیارہ اڑانے کی تربیت نہیں تھی جس کی وجہ سے وہ گر کر کریش ہوگیا اور نتیجے میں اغوا کار خود ہلاک ہوگیا۔
