واشنگٹن: (دنیا نیوز) امریکی ریاست شمالی کیرولینا میں فائرنگ کے واقعے میں دو افراد ہلاک اور چار زخمی ہو گئے جن میں سے تین کی حالت تشویش ناک ہے۔ پولیس نے 22 سالہ مشتبہ نوجوان کو گرفتار کر لیا۔
امریکا کے تعلیمی اداروں میں فائرنگ کے واقعات نہ رک سکے۔ ریاست شمالی کیرولینا کی یونیورسٹی کے ایک کیمپس میں نوجوانوں کی فائرنگ سے دو افراد ہلاک اور چار زخمی ہو گئے، زخمیوں میں سے تین کی حالت تشویش ناک ہے۔
پولیس نے کارروائی کرتے ہوئے ایک 22 سالہ مشتبہ نوجوان کو گرفتار کر لیا، عینی شاہد کے مطابق حملہ آور کے پاس ایک پستول تھا۔
