لندن: (ویب ڈیسک) وزیراعظم عمران خان کی سابقہ اہلیہ جمائما گولڈ سمتھ کا کہنا ہے کہ کرونا وائرس سے پریشان نہیں البتہ بیٹے کو تشویش ہوئی تھی۔
تفصیلات کے مطابق چین سے پھیلنے والا کرونا وائرس دنیا بھر کے 80 سے زائد ممالک تک پہنچ گیا ہے جہاں اس نے خوف پھیلایا ہوا ہے، وہیں پر اس بیماری پر قابو پانے کے لیے ورلڈ بینک، ڈبلیو ایچ او سمیت دنیا بھر کے ممالک تگ و دو ہیں۔ اسی حوالے سے ایک خبر برطانیہ سے آئی ہے، یہ خبر وزیراعظم عمران خان کی سابقہ اہلیہ جمائما گولڈ سمتھ سے متعلق ہے۔
سماجی رابطے کی ویب سائٹ ٹویٹر پر ٹویٹ کرتے ہوئے جمائما گولڈ اسمتھ نے لکھا کہ کرونا وائرس کے شبہ میں پڑوس میں پوری فیملی کو طبی عملے کی جانب سے ایمبولینس میں لے جایا گیا ہے۔
Meanwhile, I’m still not panicking but my neighbour’s entire family were taken off in an ambulance by medics in full suits this morning with suspected corona virus and my (hypochondriac) son is now convinced he has a strain so insidious it has no symptoms.
— Jemima Goldsmith (@Jemima_Khan) March 3, 2020
سوشل میڈیا کے پیغام میں وزیراعظم عمران خان کی سابقہ اہلیہ کا کہنا تھا کہ کرونا وائرس سے متعلق وہ خود پریشان نہیں ہیں البتہ بیٹے کو تشویش ہوگئی تھی مگر اب اس نے بھی مان لیا ہے کہ اس میں ایسی کوئی علامت نہیں ہے۔
