ہنڈراس: (دنیا نیوز) وسطی امریکا کے ممالک میں سمندری طوفان ایٹا سے بڑے پیمانے پر تباہی ہوئی ۔ 50 سے زائد افراد ہلاک اور ہزاروں بے گھر ہو گئے۔
نکارا گووا، ہنڈراس اور گوئٹے مالا میں سمندری طوفان کے ساتھ شدید بارشوں سے سیلاب آ گیا۔ طوفان کی وجہ سے سینکڑوں گھر تباہ ہو گئے جبکہ ہزاروں افراد چھت سے محروم ہو گئے۔ بیشتر علاقوں میں انفرااسٹرکچر تباہ ہو گیا، رابطہ سڑکیں بہہ گئیں۔ درخت اکھڑ گئے جبکہ کئی علاقوں میں بجلی منقطع ہو گئی ہے۔
