نیو یارک: (ویب ڈیسک) امریکا کے صدر جوزف بائیڈن نے کہا ہے کہ چین اور ایران کے درمیان بڑھتی ہوئی قربتیں اور تعلقات پر کئی سال سے پریشان ہیں۔
واضح رہے کہ امریکا اور اقوام متحدہ کی جانب سے چین اور ایران پر تجارتی پابندیاں بھی عائد کی جا چکی ہیں جب کہ چینی اثرو رسوخ کے باعث جو بائیڈن نے برطانیہ کو چین کے دنیا بھر میں اقتصادی راہداری کے تحت سڑکوں کے جال ’’بیلٹ اینڈ روڈ‘‘ کی طرز کا نیا منصوبہ بنانے کی تجویز پیش کی ہے۔
غیر ملکی میڈیا کے مطابق چند روز قبل امریکا کے مقابلے میں حلیف ممالک چین اور ایران کے درمیان دو طرفہ تعلقات کے حوالے سے 25 سالہ اسٹریٹیجک معاہدے پر دستخط کیے گئے جس کے بعد سپر پاور امریکا اور نئی بائیڈن انتظامیہ میں بے چینی کی لہر دوڑ گئی۔
1) Reporter: "Are you concerned about the partnership between Iran and China?"
— Mike (@Doranimated) March 29, 2021
Biden: "I’ve been concerned about that for a year."
2) Sec. Blinken, 3/19/21, re his talks with the Chinese foreign minister: “On Iran...our interests intersect." https://t.co/QZYfD0H4YK pic.twitter.com/HHdKOEUu1N
چین اور ایران کے درمیان بڑھتی قربتوں نے امریکی صدر جو بائیڈن کو پریشان کیا ہوا ہے، جو بائیڈن اس سے قبل بھی متعدد بار چین سے کشیدہ تعلقات پر تشویش کا اظہار کرچکے ہیں تاہم حالیہ معاہدے پر بات کرتے ہوئے پہلی بار امریکی صدر نے تشویش کا اظہار کیا ہے۔
ائیرپورٹ پر روانگی سے قبل صحافی کے سوال پر کہ کیا چین اور ایران کے درمیان معاہدہ پر خدشات ہیں، امریکی صدر نے کہا کہ دونوں ممالک کے درمیان بڑھتے تعلقات پر میں کئی سال سے فکر مند ہوں۔
