ہوانا: (دنیا نیوز) کیوبا کے دارالحکومت ہوانا کے ہوٹل میں خوفناک دھماکا ہوا جس میں 22 سے زائد افراد ہلاک اور درجنوں زخمی ہوگئے۔
غیر ملکی خبر ایجنسی کے مطابق حکام کو شبہ ہے کہ فائیو اسٹار ہوٹل میں دھماکا گیس لیکج کی وجہ سے ہوا۔ دھماکے کی وجہ سے ہوٹل کی عمارت کا ایک حصہ منہدم ہوگیا۔ افسوسناک واقعہ میں ایک بچے سمیت 22 افراد ہلاک ہوگئے جبکہ 74 زخمی ہونے ولے افراد کو اسپتال منتقل کر دیا گیا۔ حکام کو مزید افراد کے ملبے تلے دبے ہونے کا خدشہ ہے۔
