عمان : (ویب ڈیسک ) اردن کی فضائیہ نے امریکا سے نئے ایف 16 طیارے خریدنے کیلئے اربوں ڈالر کا معاہدہ کرلیا۔
غیر ملکی میڈیا رپورٹس کے مطابق امریکی اسٹیٹ ڈیپارٹمنٹ نےان طیاروں کی فروخت کی منظوری گزشتہ برس فروری میں دی تھی ۔
دارالحکومت عمان میں اردن کے ایئرفورس کمانڈر بریگیڈیئر جنرل محمد حیاست اور امریکی مشن کے ڈپٹی چیف روہت نیپال نے معاہدے پر دستخط کیے۔
قيادة سلاح الجو الملكي توقع اتفاقية شراء طائرات F16 مع الجانب الأميركي https://t.co/UWwTeVntlr #بترا #الاردن pic.twitter.com/fkibIUs9sI
— Jordan News Agency (@Petranews) January 19, 2023
اردن کی خبر ایجنسی کے مطابق عرب ملک کی فضائیہ نے بیان میں کہا ہے کہ یہ معاہدہ دفاعی صلاحیت میں اضافے ، جنگ کی تیاری اور امریکا کے ساتھ مشترکہ آپریشنز کا حصہ ہے۔
انہوں نے مزید کہا کہ معاہدے کے ذریعے دونوں ممالک کے درمیان تعاون کو مضبوط کیا جائے گا اور خطے میں دہشتگردی کی روک تھام اور امن کے فروغ کیلئے کام ہوگا۔
رپورٹس کے مطابق ان طیاروں کی مالیت کا تخمینہ 4.21 ارب ڈالر لگایا گیا ہے ، اردن کی فضائیہ کے پاس 44 ایف 16 طیارے ہیں ، فضائیہ ان طیاروں کو اپ گریڈ کرنے کے بجائے امریکا سے 16 نئے ویریئنٹ کے طیارے خرید رہی ہے۔
