دمشق: (دنیا نیوز) جنگ اور زلزلے سے تباہ حال شام میں داعش نے حملہ کیا ہے جس کے نتیجے میں 53 افراد جاں بحق ہو گئے۔
غیر ملکی خبر رساں ادارے کے مطابق ہلاک ہونے والوں میں 46 شہری اور 7 سکیورٹی اہلکار بھی شامل ہیں۔
سرکاری میڈیا کے مطابق داعش نے صحرائے ال صخنہ کے جنوب مغرب میں حملہ کیا، حملے میں جاں بحق ہونے والے عام شہری ہیں جو صحرا سے کھمبیاں چننے کا کام کر رہے تھے، واقعے کی ذمہ داری تا حال کسی نے قبول نہیں کی۔
