بیت المقدس : ( دنیا نیوز ) اسرائیلی ڈیفنس فورسز ( آئی ڈی ایف ) کی جانب سے غزہ کی پٹی پر کئے جانے والے فضائی حملوں میں اسلامی جہاد تحریک کے 3 کمانڈرز سمیت کم از کم 10 فلسطینی شہید ہو گئے۔
عرب خبر رساں ادارے کے مطابق اسرائیلی فوج کا دعویٰ ہے کہ فلسطینی اسلامی جہاد تحریک کے ارکان کو نشانہ بنایا گیا ہے۔
فلسطینی وزارت صحت نے اعلان کیا ہے کہ اسرائیلی فضائی حملوں میں غزہ کی پٹی میں 10 افراد شہید اور غیر مصدقہ تعداد میں لوگ زخمی ہوئے ہیں جبکہ حملوں کے نتیجے میں کئی عمارتیں اور گھر بھی تباہ ہو گئے ہیں۔
عرب میڈیا کے مطابق فضائی حملوں میں رہائشی اپارٹمنٹس اور اسلامی جہاد کے سنیئر کمانڈرز کے گھروں کو نشانہ بنایا گیا ہے اور شہدا میں تنظیم کے کمانڈر غنم اور ان کی اہلیہ بھی شامل ہیں۔
عینی شاہدین نے بتایا کہ آج صبح سویرے غزہ شہر میں ایک اپارٹمنٹ کی عمارت کی اوپری منزل اور جنوبی شہر رفح میں ایک گھر میں دھماکہ ہوا جس کے بعد پورا غزہ دھماکوں سے گونج اٹھا اور متعدد افراد ان دھماکوں کے نتیجے میں زخمی ہو چکے ہیں۔
Photos From the Israeli bombardment on a house in Rafah Governorate, south of the Gaza Strip pic.twitter.com/ijmnrwUQQJ
— Middle East Observer (@MEO_Analysis) May 9, 2023
سماجی رابطے کی ویب سائٹ ٹوئٹر پر مختلف فلسطینی اکاؤنٹس کی جانب سے شیئر کی جانے والی اطلاعات کے مطابق حالیہ حملوں کے دوران 3 بچوں سمیت ایک پورا خاندان بھی شہید ہو گیا ہے جس کے سربراہ کی شناخت طارق عزیز الدین کے نام سے ہوئی ہے۔
BREAKING: An entire family including 3 CHILDREN were killed in a targeted Israeli airstrike on their house in Gaza earlier tonight, bringing the death toll of the Israeli aggression to 9. pic.twitter.com/ql881RXWSt
— Palestinow.com (@palestinowcom) May 9, 2023
غزہ کی پٹی کے جنوبی محصور شہر رفح پر اسرائیلی جارحیت کے دوران 5 سالہ بچی بھی شہید ہوئی جس کی شناخت حجر البحیتی کے نام سے ہوئی ہے۔
The martyr child Hajar Al-Bahtini, who was martyred in an Israeli bombing of #Gaza at today s dawn#GazaUnderAttack #Gaza#IsraeliCrimes pic.twitter.com/AVF5CSvySI
— HOPE (@HOPE_2_2) May 9, 2023
فلسطینی گروپ حماس کے ترجمان نے الاقصیٰ ٹی وی چینل سے گفتگو کرتے ہوئے کہا کہ غزہ کی پٹی پر جارحیت کی پوری ذمہ داری اسرائیلی فوج پر عائد ہوتی ہے، مزاحمت ہمارے لوگوں اور ہمارے مقدس مقامات کا دفاع جاری رکھے گی۔دوسری جانب ہوائی حملوں کے جواب میں فلسطین کی جانب سے راکٹ داغے جانے کی توقع میں اسرائیل کی فوج نے غزہ کے 40 کلومیٹر (25 میل) کے اندر کمیونٹیز کے اسرائیلی باشندوں کو نامزد بم پناہ گاہوں کے قریب رہنے کی ہدایات جاری کی ہیں۔
علاوہ ازیں آئی ڈی ایف کے آفیشل ٹوئٹر ہینڈل پر جاری کئے گئے ایک پیغام میں کہا گیا کہ ہم نے ابھی اسلامی جہاد تنظیم کے سینئر آپریشنل آفیسر خلیل باہٹینی کو نشانہ بنایا ہے جو اسرائیلی شہریوں کی سلامتی کے لیے ایک خطرہ تھے۔
آئی ڈی ایف کی جانب سے جاری کردہ پیغام کے ساتھ خلیل باہٹینی کی تصویر بھی شیئر کی گئی ہے۔
BREAKING: We just targeted Khalil Bahitini, the senior operational officer of the Islamic Jihad terrorist organization. He was an imminent threat to the security of Israeli civilians. pic.twitter.com/yTG1cvlUtK
— Israel Defense Forces (@IDF) May 9, 2023
