واشنگٹن : (ویب ڈیسک ) امریکی صدر جوبائیڈن ایک تقریب کے دوران سٹیج پر موجود ریت کے چھوٹے سے تھیلے سے ٹکرا کر گر گئے۔
غیر ملکی میڈیا کے مطابق گزشتہ روز صدر جو بائیڈن کولوراڈو میں ایئر فورس اکیڈمی سے فارغ التحصیل ہونے والے کیڈٹس کو ڈگری دینے کی تقریب میں شریک ہوئے ۔
اس دوران سٹیج پر موجود ریت کے چھوٹے سے تھیلے سے ٹکرا کر صدر بائیڈن اچانک سے گر گئے ، سٹیج پر موجود ایئرفورس کے اہلکاروں نے امریکی صدر کو سنبھالا اور انہیں دوبارہ کھڑا کیا جس کے بعد وہ واپس جاکر اپنی نشست پر بیٹھے۔
President Joe Biden tripped and fell after handing out the last diploma at a graduation ceremony at the U.S. Air Force Academy.
— Yahoo News (@YahooNews) June 1, 2023
After being helped to his feet, the president walked back to his seat on his own. https://t.co/l19hfgcTsu pic.twitter.com/tCXdIhUhdJ
وائٹ ہاؤس کے مطابق امریکی صدر جوبائیڈن بالکل ٹھیک ہیں، انہیں کسی قسم کی چوٹ نہیں آئی۔
امریکی صدر کے تقریب کے دوران گرنے کی ویڈیو سوشل میڈیا پر بھی کافی وائرل ہورہی ہے، صارفین کی جانب سے مختلف تبصرے بھی کیے جارہے ہیں۔
واضح رہے کہ 80 سالہ جوبائیڈن امریکی تاریخ کے معمر ترین صدر ہیں اور صدارت سنبھالنے کے بعد ان کے ساتھ کئی ایسے واقعات پیش آچکے ہیں ۔
