ماسکو: (دنیا نیوز) روس کے صدر ولادیمیر پیوٹن نے اعلان کیا ہے کہ روس یوکرین جنگ کے معاملے پر بات چیت کرنے کیلئے تیار ہے۔
افریقی رہنماؤں سے ملاقات کے دوران روسی صدر پیوٹن نے کہا کہ روس یوکرین کے تنازع کے بارے میں افریقی رہنماؤں کے متوازن نقطہ نظر کا خیر مقدم کرتا ہے، تمام لوگوں کے ساتھ تعمیری بات چیت کیلئے تیار ہیں۔
خیال رہے کہ افریقی رہنماؤں کا وفد یوکرینی دارالحکومت کیف کے دورے کے بعد ماسکو پہنچا تھا، اس سے پہلے روس نے مغربی ممالک کو جوہری ہتھیار استعمال کرنے کی دھمکی دی تھی۔
