میکسیکو: تقریب کے دوران حملہ، 12 افراد ہلاک

میکسیکو سٹی : (ویب ڈیسک ) میکسیکو کی وسطی ریاست گواناجواٹو میں چھٹیوں کی ایک تقریب میں ہونے والے حملے میں 12 افراد جان کی بازی ہارگئے۔

خبررساں ادارے کے مطابق ایک مسلح گروپ نے کرسمس سے پہلے منعقد ہونے والی ایک روایتی پارٹی میں شرکت کرنے والوں پر فائرنگ کی۔

اس حوالے سے میکسیکو کے اٹارنی جنرل نے اپنے بیان میں کہا کہ حملوں میں 12 افراد مارے گئے ہیں، تاہم حکام نے مزید کوئی تفصیل جاری نہیں کی۔

خبر رساں اداروں کے مطابق ریاست گواناجواٹو بڑی فیکٹریوں کی وجہ سے میکسیکو میں مشہور ہے لیکن حالیہ برسوں میں وہاں پرتشدد کارروائیوں میں اضافہ ہوا ہے۔