غزہ: (دنیا نیوز) قطر میں جنگ بندی مذاکرات کے دوران غزہ میں اسرائیلی بربریت میں کمی نہ آ سکی۔
اسرائیلی فورسز کے پناہ گزین کیمپوں، سکولوں اور ہسپتالوں پر حملے جاری رہے،24 گھنٹوں میں اسرائیلی حملوں میں 28 فلسطینی شہید اور متعدد زخمی ہوگئے، شمالی غزہ میں جبالیہ پناہ گزین کیمپ پر حملے میں بچوں سمیت 8 فلسطینی شہید ہوئے۔
شہدا کی مجموعی تعداد 46 ہزار 565 ہوگئی، 1 لاکھ 9 ہزار 660 فلسطینی زخمی ہو چکے ہیں، مقبوضہ مغربی کنارے میں اسرائیلی فوج کی کارروائی بھی جاری رہی، درجنوں فلسطینی نوجوانوں کو گرفتار کرلیا۔
حماس کے بیت حانون میں اسرائیلی فوجی گاڑی پر حملے میں 4 اسرائیلی فوجی ہلاک جبکہ 5 زخمی ہوگئے۔
