ریاض: (ویب ڈیسک) سعودی عرب کی سپریم کورٹ نے عوام سے رمضان المبارک کا چاند دیکھنے کی اپیل کر دی۔
عرب میڈیا کے مطابق سعودی سپریم کورٹ نے ہدایت کی ہے کہ 28 فروری کی شام کو چاند نظر آنے کی صورت میں قریبی عدالت میں شہادت جمع کرائیں، سپریم کورٹ کی جانب سے جاری بیان میں مزید کہا گیا ہے کہ چاند کو کھلی آنکھ سے دیکھا جائے اور اسلامی اصولوں کے مطابق شہادت دی جائے۔
سپریم کورٹ نے ہدایت کی ہے کہ قریبی عدالت کے ساتھ ساتھ چاند دیکھنے کی شہادتیں رویت کمیٹی کو بھی جمع کرائی جا سکتی ہیں، چاند نظر آنے کا حتمی اعلان شہادتوں کی جانچ پڑتال کے بعد عدالت کی جانب سے کیا جائے گا۔
دوسری جانب ماہرین فلکیات نے امکان ظاہر کیا ہے کہ سعودی عرب میں 28 فروری کو رمضان نظر آسکتا ہے اور یکم رمضان کا چاند مارچ کی پہلی تاریخ کو ہوگا۔
خیال رہے کہ اگر ایسا ہوجاتا ہے تو 30 سال بعد ایسا موقع آئے گا جب اسلامی اور عیسوئی مہینوں کا آغاز ایک ہی تاریخ کو ہوگا۔
