روم: (دنیا نیوز) کیتھولک مسیحیوں کے روحانی پیشوا پوپ فرانسس کی اٹلی کے شہر روم میں تدفین کر دی گئی۔
2013 سے دنیا کے ایک ارب 40 کروڑ کیتھولک عیسائیوں کی قیادت کرنے، غریبوں کے حامی ارجنٹائن کے پوپ کو الوداع کہنے کے لیے تقریباً 4 لاکھ افراد سینٹ پیٹرز سکوائر پر جمع ہوئے اور روم کی سڑکوں پر قطاروں میں کھڑے رہے۔
ہجوم کے سامنے آخری رسومات ادا کرنے کے بعد پوپ فرانسس کا لکڑی کا تابوت آہستہ آہستہ روم کے سانتا ماریا میگیور گرجا گھر لے جایا گیا جہاں انہیں ایک نجی تقریب میں سپرد خاک کیا گیا۔
14 سفید دستانے پہنے افراد تابوت کو گرجا گھر میں لے کر گئے، بچوں نے پھولوں کی ٹوکریاں رکھیں اور ایک گروپ نے دعا کی۔
کیتھولک چرچ کے پہلے لاطینی امریکی رہنما کا سنگ مرمر کا مقبرہ صرف ایک لفظ ’فرانسسکو‘ کے ساتھ لکھا گیا ہے جو کہ لاطینی زبان میں پوپ کا نام ہے۔
پوپ فرانسس کی آخری رسومات میں امریکی صدر ڈونلڈ ٹرمپ، برطانوی وزیر اعظم کیئر سٹارمر، فرانسیسی صدر ایمانول میکرون اور یوکرین کے صدر ویلادیمیر زیلنسکی سمیت دیگر عالمی رہنما شریک ہوئے۔
واضح رہے 88 سالہ پوپ فرانسس 21 اپریل کو سٹروک اور دل کا دورہ پڑنے سے انتقال کر گئے تھے۔
