برلن: (دنیا نیوز) جرمنی میں مسافر ٹرین حادثے کا شکار ہونے سے 3 افراد ہلاک جبکہ متعدد زخمی ہوگئے۔
خبر رساں اداروں کے مطابق ٹرین آپریٹرز کا کہنا ہے کہ Stuttgart کے قریب حادثہ پیش آیا، ٹرین کے پٹری سے اترنے کی وجہ ابھی تک معلوم نہیں ہوسکی۔
عالمی میڈیا کی رپورٹ کے مطابق ٹرین میں 100 کے قریب مسافر سوار تھے، ہلاک افراد اور زخمیوں کو ہسپتال منتقل کر دیا گیا، جرمن حکام نے حادثے میں کئی افراد کے زخمی ہونے کی تصدیق کرتے ہوئے کہا کہ حادثے کی تحقیقات شروع کردی گئی ہے۔
اطلاعات کے مطابق علاقے میں کچھ دیر پہلے طوفان آیا تھا، جائے حادثہ پر درخت بھی گرے ہوئے تھے۔
