واشنگٹن: (ویب ڈیسک) امریکی صدر ڈونلڈ ٹرمپ نے واشنگٹن کو براہ راست وفاقی کنٹرول میں لانے کا فیصلہ کر لیا۔
غیر ملکی خبر ایجنسی کی رپورٹ کے مطابق امریکی صدر نے میڈیا سے گفتگو کرتے ہوئے کہا کہ واشنگٹن کو براہ راست وفاقی کنٹرول میں لانے کا فیصلہ کیا ہے، شہر بھر میں نیشنل گارڈ کے دستے تعینات کیے جا رہے ہیں۔
انہوں نے کہا کہ یہاں سیکیورٹی اور سیفٹی پر بات کرنی پڑ رہی ہے، ایک وقت تھا جب دارالحکومت محفوظ ترین تھا ۔
ان کا کہنا تھا کہ نیویارک، لاس اینجلس سمیت متعدد شہروں میں حالت خراب ہے، ہم اپنےشہروں کو گنوا نہیں سکتے، واشنگٹن میں خراب سیکیورٹی صورتحال پر فوری قابو پائیں گے، واشنگٹن اور گرد ونواح میں ایمرجنسی نافذ کر دی گئی ہے حفاظتی اقدامات کے حوالے سے بات کرنا میرےلئےشرمندگی کا باعث ہے۔
ٹرمپ کا واشنگٹن میں ڈسٹرکٹ آف کولمبیا ہوم رول ایکٹ نافذ کرنے کا اعلان کیا اور کہا کہ میٹروپولیٹن پولیس ڈیپارٹمنٹ کو براہ راست وفاقی کنٹرول میں لے لیا جائے گا۔ ضرورت پڑی تو واشنگٹن میں افواج بھی تعینات کریں گے۔
