ماسکو: (دنیا نیوز) روسی صدر پیوٹن نے کہا ہے کہ امریکا اور روس کے درمیان تعلقات میں بہتری کا امکان ہے۔
روسی صدر پیوٹن کی میڈیا سے گفتگو کرتے ہوئے کہا کہ الاسکا میں سمٹ کے بعدرابطے اعلیٰ سطح پر بحال ہیں، مکمل تعلقات کی بحالی کے لئے پہلا قدم اٹھایا جا چکا ہے، مغرب کو حالات کا جائزہ لینے کی ضرورت ہے۔
ان کا مزید کہنا تھاکہ ڈونلڈ ٹرمپ کی قیادت گہرے تعلقات کے لئے مدد گار ثابت ہوگی۔
واضح رہے کہ امر یکی صدر ڈونلڈ ٹرمپ نے واشنگٹن میں میڈیا سے گفتگو کرتے ہوئے کہا کہ تھاکہ یوکرین میں امریکی فیکٹری پر روسی فوج کی بمباری سے خوش نہیں ہوں، روسی صدر پیوٹن کو دو ہفتے دوں گا، دو ہفتے تک پتہ چل جائے گا یوکرین کا معاملہ کس طرف جائے گا۔
