بیجنگ: (ویب ڈیسک) چین میں ٹرین تلے کچلے جانے سے 11 ریلوے ورکرز ہلاک ہوگئے۔
میڈیا رپورٹ کے مطابق افسوسناک حادثہ جنوب مغربی چین کے صوبہ یونان میں بح پیش آیا جہاں ٹرین کی ٹکر سے 11 ریلوے ملازمین ہلاک اور دو زخمی ہو گئے۔
رپورٹ میں بتایا گیا ہے کہ کنمنگ ریلوے بیورو نے بیان میں بتایا کہ زلزلہ پیما آلات کی جانچ کے لئے استعمال ہونے والی ٹرین کنمنگ کے لوؤیانگ ٹاؤن سٹیشن پر معمول کے مطابق ایک موڑ کاٹتے ہوئے آگے بڑھ رہی تھی کہ اسی دوران ٹریک پر داخل ہونے والے تعمیراتی کارکنوں سے ٹکرا گئی۔
حکام کے مطابق حادثے کی وجوہات جاننے کے لئے تحقیقات جاری ہیں جبکہ زخمیوں کو فوری طور پر ہسپتال منتقل کر دیا گیا ہے، ریلوے بیورو نے بتایا کہ ٹرین سروس معمول پر آ گئی ہے۔
