لاہور: (ویب ڈیسک) ملک بھر میں رواں ہفتے کے تیسرے کاروباری روز کے دوران روپے کے مقابلے میں امریکی ڈالر 84 پیسے مہنگا ہو گیا۔
تفصیلات کے مطابق کورونا وائرس کے سبب جہاں عالمی معیشت گراوٹ کا شکار ہے وہیں پاکستانی روپے کی قدر میں بھی کمی دیکھنے میں آ رہی ہے۔
آئی ایم ایف نے کورونا وائرس کے سبب عالمی معیشت کو شدید خطرات لاحق قرار دیئے ہیں، رواں اپریل میں عالمی ادارے کی جانب سے کہا گیا تھا کہ عالمی معیشت کو 3 فیصد کا خسارہ برداشت کرنا پڑے گا تاہم اب ادارے کے چیف اکانومسٹ نے رواں ماہ مزید نقصانات کا خدشہ ظاہر کیا گیا ہے جس کا نشانہ ترقی پذیر معیشتیں، جں میں پاکستان بھی شامل ہے، بنیں گی۔ عالمی ادارے کی جانب سے مذکورہ پیشگوئی کے بعد ڈالر کی قدر میں مزید اضافہ متوقع ہے۔
Interbank closing #ExchangeRate for today: https://t.co/iDG3zLHLkU pic.twitter.com/QVSHnuqQ7W
— SBP (@StateBank_Pak) June 17, 2020
سٹیٹ بینک آف پاکستان کی سماجی رابطے کی ویب سائٹ ٹویٹر پر جاری کردہ ریٹ کے مطابق انٹر بینک میں روپے کے مقابلے میں امریکی ڈالر 84 پیسے مہنگا ہو گیا جس کے بعد امریکی کرنسی کی قیمت 164.87 روپے سے بڑھ کر 165.71 روپے ہو گئی ہے۔
