تازہ ترین
  • بریکنگ :- کراچی:صوبائی وزیر ناصرشاہ کا فوادچودھری کے بیان پرردعمل
  • بریکنگ :- فوادچودھری باتیں کرتےہیں جیسےان کےدورمیں دودھ کی نہریں بہتی تھیں،ناصرشاہ
  • بریکنگ :- پی ٹی آئی نےمعیشت کا جوحشرکیا ایسی نااہلی کی مثال نہیں ملتی، ناصرشاہ
  • بریکنگ :- پاکستان زرعی ملک ہونےکےباوجود دالیں درآمد کر رہا ہے،ناصرشاہ
  • بریکنگ :- کراچی: نئے بجٹ میں صنعت و زرعی شعبےکواہمیت دی گئی،ناصر شاہ

ایک ہفتے میں آٹے کا 20 کلو کا تھیلا 80 روپے تک مہنگا،ریٹ 1440 روپے تک جا پہنچا

Published On 24 September,2021 09:36 am

اسلام آباد: (دنیا نیوز) ایک ہفتے میں آٹے کا بیس کلو کا تھیلا 80 روپے تک مہنگا ہو کر 1440 روپے تک جا پہنچا۔ شہری کہتے ہیں ایسی تبدیلی آئی کہ ہم پہلے سالن اور اب سوکھی روٹی سے بھی گئے، حکمران بتائیں گزارہ کیسے کریں۔

روٹی بھی عوام کی پہنچ میں نہ رہی، ایک ہفتے کے دوران خضدار میں آٹے کا تھیلا 80 روپے، لاڑکانہ میں 60 روپے جبکہ کراچی اور حیدر آباد میں 40 روپے تک مہنگا ہوا۔ کراچی میں 20 کلو آٹے کا تھیلا 1440 روپے، اسلام آباد میں 1280 روپے اور راولپنڈی میں 1330 روپے میں فروخت ہو رہا ہے۔ 2018 میں آٹے کی تھیلے کی قیمت 771 روپے تھی ۔ شہری کہتے ہیں ایسی تبدیلی آئی کہ ہم پہلے سالن اور اب سوکھی روٹی سے بھی گئے۔

خواتین کا کہنا ہے کہ حکمران خود ہی بتائیں، گزارہ کیسے کریں، تین سال میں آمدن وہی، اخراجات دگنے ہوگئے۔ شہری دکانوں کا رخ تو کرتے ہیں لیکن ہر روز آٹے کے نئی قیمت سن کر بمشکل ایک کلو آٹا لیکر تو کبھی خالی ہاتھ ہی گھر لوٹتے ہیں۔