کراچی: (دنیا نیوز) پاکستان سٹاک مارکیٹ میں آج زبردست تیزی کے باعث ایک بار پھر سے ایک لاکھ 20 ہزار پوائنٹس کی حد بحال ہوگئی۔
کاروباری ہفتے کے دوسرے روز پاکستان سٹاک ایکسچینج میں کاروبار کا مثبت رجحان رہا جس کے باعث ہنڈرڈ انڈیکس 1573 پوائنٹس کے اضافے کیساتھ ایک لاکھ 20 ہزار 450 پوائنٹس کی سطح پر بند ہوا۔
واضح رہے کہ گزشتہ کاروباری دن کے اختتام پر انڈیکس 813 پوائنٹس کی کمی کیساتھ ایک لاکھ 18 ہزار 877 پوائنٹس کی سطح پر بند ہوا تھا۔
سٹاک مارکیٹ میں آج 20 ارب 89 کروڑ 72 لاکھ 36 ہزار 653 روپے مالیت کے 31 کروڑ 52 لاکھ 35 ہزار 806 شیئرز کا لین دین ہوا۔
