کراچی: (دنیا نیوز) پاکستان سٹاک ایکسچینج میں ہنڈرڈ انڈیکس ایک بار پھر نئی بلند ترین سطح پر پہنچ گیا۔
کاروباری ہفتے کے پانچویں اور آخری روز کاروبار کے آغاز پر سٹاک مارکیٹ میں زبردست تیزی دیکھنے میں آئی، 900 سے زائد پوائنٹس کے اضافے کے ساتھ پاکستان سٹاک ایکسچینج میں ہنڈرڈ انڈیکس ایک لاکھ 34 ہزار 711 پوائنٹس کی سطح پر پہنچ گیا۔
تاہم سٹاک مارکیٹ میں ٹریڈنگ کے اختتام پر ہنڈرڈ انڈیکس 517 پوائنٹس کے اضافے کیساتھ ایک لاکھ 34 ہزار 299 پوائنٹس کی ریاکرڈ سطح پر بند ہوا۔
واضح رہے کہ گزشتہ کاروباری دن کے اختتام پر ہنڈرڈ انڈیکس 1205 پوائنٹس بڑھ کر 1 لاکھ 33 ہزار 782 پوائنٹس کی حد پر بند ہوا تھا۔
سٹاک مارکیٹ میں آج 23 ارب 99 کروڑ 19 لاکھ 43 ہزار 454 روپے مالیت کے 29 کروڑ 63 ہزار 736 شیئرز کا لین دین ہوا۔
ماہرین کا کہنا ہے کہ مالیاتی نتائج کی مثبت خبروں اور شرح سود میں ممکنہ کمی سے سٹاک ایکسچینج میں ریکارڈ تیزی دیکھنے میں آئی ہے۔
