فیصل آباد: (دنیا نیوز) پیٹرن انچیف یونائیٹڈ بزنس گروپ ایس ایم تنویر نے کہا کہ معرکہ حق تو ہو گیا اب ہمیں معرکہ معیشت لڑنا ہے، اگلا ہدف 100 ارب ڈالر کی ایکسپورٹ ہے۔
فیصل آباد میں تقریب سے خطاب کرتے ہوئے ایس ایم تنویر کا کہنا تھا کہ پاکستان نے جنگ میں بھارت کو بھرپور جواب دیا۔
انہوں نے کہا کہ افواج پاکستان نے فجر کے وقت جوابی حملے شروع کیے اور عصر تک دشمن کو مار گرایا، پاکستان نے دشمن کے دانت کھٹے کر دیئے
پیٹرن انچیف یونائیٹڈ بزنس گروپ کا کہنا تھا کہ صوبے کی ضرورت ہے تو ہمیں صوبہ چاہیے، آپ چاہے اس کو کوئی اور نام دے دیں، ہمارا بہت پیارا ملک ہے یہاں ہمیں عزت ملتی ہے، اس پیارے ملک کو ہم نے اور پیارا کرنا ہے۔
اپنی گفتگو کے اختتام پر ایس ایم تنویر نے مزید کہا کہ کلائمیٹ چینج کی وجہ سے تین سال سے شور مچ رہا تھا کہ 52 گلیشئر پگھل رہے ہیں۔
