کراچی: (دنیا نیوز) قومی کرکٹ کپتان سرفراز احمد کے اعزاز میں کراچی کے اسپورٹس جرنلسٹ ایسوسی ایشن آف سندھ کی جانب سے تقریب کا انعقاد کیا گیا۔ اسٹار کرکٹر کی خدمات کو سرہاتے ہوئے انھیں سونے کا میڈیا پہنایا گیا۔
اس موقع پر میڈیا سے بات کرتے ہوئے سرفراز احمد کا کہنا تھا کہ ہماری ٹیم ابھی بن رہی ہے، زمبابوے کے دورے پر اچھی کارکردگی دکھانے کی کوشش کریں گے۔ کپتان احمد شہزاد کے ڈوپ ٹیسٹ سے لا علم نظر آئے کہتے ہیں جس کھلاڑی کی جب ضرورت ہوگی اسے موقع دیا جائے گا۔ سرفراز احمد نے پی آئی اے انتظامیہ سے بھی شکوہ کیا، ان کا کہنا تھا کہ کھلاڑی کو روزانہ حاضری لگانے کی پابندی نہیں ہونی چاہیے۔
