لاہور: (دنیا نیوز) پاکستان اور آسٹریلیا کے درمیان آج پھر میدان سجے گا، شاہین لگاتار دسویں ٹی ٹونٹی سیریز جیتنے کے لئے پرعزم ہیں اور کینگروز کیلئے سیریز بچانے کا آج آخری موقع ہے۔
کینگروز کو آج پھر شاہینوں کا سامنا، دوسرا ٹی ٹونٹی رات 9 بجے دبئی میں شروع ہو گا، آسٹریلیا کے لئے سیریز بچانے کا آخری موقع ہے، تین میچوں کی سیریز میں پاکستان کو ایک صفر کی برتری حاصل ہے۔ سرفراز الیون نے پہلے ٹی ٹونٹی میں مہمان ٹیم کو 66 رنز سے دھول چٹائی تھی، بلے باز بابر اعظم کا بیٹ پھر رنز اگلنے کو تیار ہے جبکہ عماد وسیم ایک بارپھر اپنی باولنگ کا جادو جگانے کے لئے بے تاب ہیں۔
ابو ظہبی کی فتح کے بعد نمبر ون ٹیم پاکستان کی ٹاپ پوزیشن پر گرفت زیادہ مضبوط ہو گئی ہے، شاہین لگاتار دسویں ٹی ٹونٹی سیریز جیتنے کے لئے پرعزم ہیں۔
