لاہور : (دنیا نیوز) ثانیہ مرزا نے اپنے تازہ ترین ٹویٹر پیغام میں ننھے بیٹے کے ساتھ یادگار لمحات کی عکاسی کرتی چند تصاویر اپ لوڈ کی ہیں۔ان تصاویر میں ثانیہ کو اپپنے نومولود بیٹے اذہان کے ہمراہ شعیب ملک کی بیٹنگ دیکھتے ہوئے لطف اندوز ہوتے دیکھا جاسکتا ہے۔
اس ٹویٹ میں اپنے جذبات کا اظہار کرتے ہوئے ثانیہ مرزا کا مزید کہنا تھا کہ مجھے بطور ماں اور اذہان کو دنیا میں آئے ہوئے 5 دن گزر چکے ہیں، اس دوران ہی ہم دونوں شعیب ملک کو بیٹنگ کرتے دیکھ کر نہایت پرجوش ہوئے۔
.jpg)
ثانیہ مرزا اور شعیب ملک کے گھر ننھے مہمان کی آمد ہوئی ۔ان کے ہاں بیٹے کی ولادت ہوئی جس کا نام اذہان رکھا گیا ہے۔ بیٹے کی ولادت کے بعد شعیب ملک نے ٹویٹ کے ذریعے اپنے مداحوں کو اس خوشی کی خبر سے آگاہ کیا۔ ساتھ ہی ساتھ یہ بھی کہا کہ ان کے بیٹے کا نام اذہان مرزا ملک ہے۔ تاہم مایہ ناز بلے باز شعیب ملک کو نیوزی لینڈ کے خلاف ٹی 20 سیریز میں شرکت کے لیے جانا پڑا۔
