لاہور: (ویب ڈیسک) سابق کرکٹر رمیز راجہ نے کراچی میں ہونیوالی بارشوں کے دوران شہر قائد کی ناقص صورتحال سے متعلق سندھ گورنمنٹ پر تنقید کرتے ہوئے غلط تصویر شیئر کر دی۔
تفصیلات کے مطابق کراچی میں مون سون موسم کے آغاز سے اب تک 3 بارشیں ہو چکی ہے، ہر بارش کے بعد کراچی کی گلیاں اور سڑکیں کسی ندی نالے نہیں بلکہ دریا کا منظر پیش کرتی ہیں جس پر کراچی کے عوام سمیت شوبز اور کھیلوں کے شعبوں سے تعلق رکھنے والی معروف شخصیات بھی سندھ حکومت کی کارکردگی سے کافی نالاں نظر آتی ہیں ۔
اس سلسلے میں پاکستان کے سابق کرکٹر و کمنٹیٹر رمیز راجہ نے سماجی رابطے کی ویب سائٹ ٹویٹر پر پر تالاب کی تصویر شیئر کی، تالاب میں جمع پانی کی رنگت بالکل چائے کی رنگت جیسی نظر آ رہی ہے۔
سندھ حکومت نے پورے کراچی کیلئے دودھ پتی چائے کا بندوبست کیا ہے pic.twitter.com/iuOG546MIr
— Ramiz Raja (@iramizraja) July 28, 2020
رمیز راجہ نے تصویر شیئر کرتے ہوئے سندھ حکومت کی کارکردگی پر تنقید ی تبصر ے میں لکھا کہ سندھ حکومت نے پورے کراچی کے لیے دودھ پتی چائے کا بندوبست کیا ہے۔
رمیز راجہ کو کیپشن اور غلط تصویر شیئر کرنے پر ٹوئٹر صارفین کی جانب سے خوب تنقید کا نشانہ بنایا جا رہا ہے۔
چند ٹوئٹر صارفین کی جانب سے رمیز راجہ کو مشورہ دیا گیا کہ وہ بحیثیت کرکٹر اور کمنٹیٹر پاکستان کا اثاثہ ہیں اور پاکستانی اُن کی بہت عزت کرتے ہیں، لہٰذا وہ سیاست سے دور ہی رہیں تو اچھا ہے ۔
محترم رمیز راجہ صاحب آپ بحیثیت سپوٹر ہر پاکستانی کے دل کی دھڑکن ہے۔
— Saleem sulemani (@iSaleem_khan34) July 29, 2020
بہتر ہوگا کہ آپ سیاست سے دور رہے یہاں پر کسی کو معاف نہیں کیا جاتا۔
دوسری بات یہ کہ یہ تصویر بہت پرانی ہے۔۔
