لاہور: (دنیا نیوز) انٹرنیشنل کرکٹ کونسل کی ویڈیو لنک بورڈ میٹنگ آج ہو گی جس میں ٹی ٹونٹی ورلڈ کپ 2021 اور 2022 کی میزبانی پر تبادلہ خیال ہوگا۔
آئی سی سی اجلاس میں ایونٹس کے مستقبل کا فیصلہ کیا جائے گا، پی سی بی حکام بھی شرکت کریں گے۔ کورونا وائرس کی وجہ سے رواں سال آسٹریلیا میں شیڈول ٹی ٹونٹی ورلڈ کپ ملتوی کردیا گیا تھا۔
اجلاس میں ٹی ٹونٹی ورلڈ کپ دوہزار اکیس اور دوہزار بائیس کی میزبانی پر بات ہوگی، گذشتہ میٹنگ میں آئی سی سی نے ٹورنامنٹس کے وینیوز اور شیڈول کا اعلان نہیں کیا تھا۔ میٹنگ میں ٹیسٹ چیمپئین فائنل کی تاریخ کو آگے بڑھائے جانے کا امکان ہے، آئندہ برس نیوزی لینڈ میں ہونے والے ویمنز ورلڈ کپ کے حوالے بھی فیصلہ متوقع ہے۔
