لاہور:(ویب ڈیسک) پاکستان کرکٹ ٹیم کے قائد بابر اعظم کو انٹرنیشنل کرکٹ کونسل (آئی سی سی ) کی ٹی 20 ٹیم آف دی ایئر کا کپتان مقرر کردیا گیا ہے۔
بین الاقوامی کرکٹ کونسل کی جانب سے ٹی 20 ٹیم آف دی ایئر کا اعلان کیا گیا جس کے مطابق بابراعظم، محمد رضوان اور شاہین آفریدی ٹیم میں شامل ہیں ۔
The ICC Men s T20I Team of the Year certainly packs a punch
— ICC (@ICC) January 19, 2022
More https://t.co/TtQKyBL3rw pic.twitter.com/mhfNsE2mU3
ٹیم کے دیگرکھلاڑیوں میں انگلینڈ کے جارحانہ بلے باز جوزبٹلر، ایڈن مرکرم، مچل مارش ، ڈیوڈملر، تبریزشمسی، ہیزل ووڈ، ونندد ہاسارنگا اور مستفیض الرحمان شامل ہیں۔
آئی سی سی کی جانب سے ویمنز ٹی 20 ٹیم آف دی ایئر کا بھی اعلان کیا گیا ہے جس کے لئے انگلینڈ کی نیٹ سکائیور کو کپتان مقرر کیا گیا ہے جبکہ دیگر کھلاڑیوں میں سمرتی مندھانا، ٹیمی بیومونٹ، ڈینی وائٹ، گیبی لیوس، ایمی جونز، لورا وولوارٹ، میریزین کیپ، سوفی ایکلسٹون، لورین فیری اور شبنم اسماعیل شامل ہیں۔
The ICC Women s T20I Team of the Year is here
— ICC (@ICC) January 19, 2022
Did your favourite players make the list? https://t.co/x228TJMTcz
