پاکستانی ٹیم کی مشکلات میں اضافہ، شاہین کے بعد وسیم جونیئر بھی ایشیا کپ سے باہر

لاہور:(دنیا نیوز) قومی کرکٹ ٹیم کو اب تک کا بڑا دھچکا لگ گیا، شاہین شاہ آفریدی کے بعد فاسٹ باؤلر محمد وسیم جونیئر بھی انجری کا شکار ہوکر ایشیا کپ سے باہر ہوگئے۔

گزشتہ روز فاسٹ باؤلر کا دبئی میں ایم آر آئی سکین کروایا گیا تھا، ایم آر آئی سکین رپورٹ کا جائزہ لینے کے بعد پی سی بی میڈیکل پینل نے انہیں وطن واپس بھیجنے کا فیصلہ کیا۔

Wasim ruled out of Asia Cup, Hasan named as replacement

Details here https://t.co/wblUoVVGQw

— PCB Media (@TheRealPCBMedia) August 26, 2022

فاسٹ باؤلر حسن علی کو ان کے متبادل کے طور پر سکواڈ میں شامل کر لیا گیا ہے، حسن علی پہلی دستیاب فلائٹ سے دبئی پہنچ کر قومی سکواڈ کو جوائن کرلیں گے۔

خیال رہے کہ فاسٹ باؤلر محمد وسیم جونیئر پریکٹس سیشن کے دوران سائیڈ سٹرین انجری کا شکار ہوگئے تھے۔