لاہور: (ویب ڈیسک) ایشیا کپ ٹی 20 کے اہم میچ میں پاکستان نے ہانگ کانگ کو 155رنز سے شکست دیکر سپر فور مرحلے میں جگہ بنالی۔
شارجہ کرکٹ سٹیڈیم میں ایشیا کپ کے پہلے مرحلے کا آخری میچ پاکستان اور ہانگ کانگ کے مابین کھیلا گیا، مخالف ٹیم کے کپتان نزاکت علی نے ٹاس جیت کر بابر اعظم کو پہلے بیٹنگ کی دعوت دی تھی۔
The two captains at the toss pic.twitter.com/ppbZ9Zxkyd
— Pakistan Cricket (@TheRealPCB) September 2, 2022
ہانگ کانگ اننگز
— Pakistan Cricket (@TheRealPCB) September 2, 2022
194 رنز ہدف کے تعاقب میں ہانگ کانگ کی ٹیم پاکستانی باؤلرز کے سامنے ریت کی دیوار ثابت ہوئی اور صرف 38 رنز پر پویلین لوٹ گئی، کوئی بھی کھلاڑی ڈبل فیگر میں نہ پہنچ سکا۔
کپتان نزاکت علی نے سب سے زیادہ 8 رنز بنائے، یاسم مرتضٰی 2، کنچٹ شاہ 6، اعزاز خان 1، سکاٹ مک کیچنی 4، ذیشان علی 3، ہارون ارشد 3، ایوش شکلا ایک، بابر حیات اور غضنفر صفر پر آؤٹ ہوئے۔
قومی ٹیم کی جانب سے شاداب خان نے شاندار باؤلنگ کا مظاہرہ کرتے ہوئے 4 اور محمد نواز نے 3 کھلاڑیوں کو پویلین کی راہ دکھائی جبکہ نسیم شاہ نے 2، شاہنواز دھانی نے ایک وکٹ حاصل کی۔
اس طرح ہانگ کانگ کی ٹیم 10 اعشاریہ 4 اوورز میں صرف 38 رنز بناکر آؤٹ ہوگئی۔
پاکستان اننگز
— Pakistan Cricket (@TheRealPCB) September 2, 2022
قومی ٹیم کی جانب سے اننگز کا آغاز محمد رضوان اور بابر اعظم نے کیا ، تاہم کپتان صرف 9 رنز بناکر احسان خان کی گیند پر آؤٹ ہوگئے، فخر زمان نے 2 چھکوں اور 3 چوکوں کی مدد سے 41 گیندوں پر 53 رنز بنائے اور احسان خان کی گیند پر اعزاز خان کو کیچ دے بیٹھے۔
وکٹ کیپر بیٹر محمد رضوان نے ایک مرتبہ پھر عمدہ کارکردگی کا مظاہرہ کرتے ہوئے 1 چھکے اور 6 چوکوں کی مدد سے 57 گیندوں پر 78 رنز کی ناٹ آؤٹ اننگز کھیلی۔
قومی ٹیم کے آل راؤنڈر خوشدل شاہ نے جارحانہ بلے بازی کا مظاہرہ کرتے ہوئے آخری 4 گیندوں پر 4 چھکے لگائے، انہوں نے 5 چھکوں کی مدد سے 15 گیندوں پر 35 رنز کی ناقابل شکست باری کھیل کر پاکستان کا سکور مقررہ 20 اوورز میں 2 وکٹ کے نقصان پر 193 رنز تک پہنچایا۔
شاہینوں کی جانب سے مخالف ٹیم کے خلاف آخری 5 اوورز میں 77 رنز بنائے گئے۔
مین آف دی میچ
— Pakistan Cricket (@TheRealPCB) September 2, 2022
1 چھکے اور 6 چوکوں کی مدد سے 57 گیندوں پر 78 رنز ناٹ آؤٹ اننگز کھیلنے والے قومی ٹیم کے وکٹ کیپر بیٹر محمد رضوان کو میچ کا بہترین کھلاڑی قرار دیا گیا۔
پاکستان پلیئنگ الیون
Hong Kong win the toss and opt to bowl first
— Pakistan Cricket (@TheRealPCB) September 2, 2022
No changes to Pakistan s playing XI #AsiaCup2022 | #PAKvHK pic.twitter.com/9FdoBlnySt
ہانگ کانگ کے خلاف پاکستان کی پلیئنگ الیون میں کپتان بابر اعظم، نائب کپتان شاداب خان، وکٹ کیپر محمد رضوان، فخر زمان، افتخار احمد، خوشدل شاہ، آصف علی، محمد نواز، نسیم شاہ، حارث رؤف اور شاہنواز دھانی شامل تھے۔
ہانگ کانگ پلیئنگ الیون
#PAKvHK
— Cricket Hong Kong (@CricketHK) September 2, 2022
Playing XI
NIZAKAT KHAN (C)
KINCHIT SHAH
AIZAZ KHAN
ZEESHAN ALI
YASIM MURTAZA
HAROON ARSHAD
EHSAN KHAN
GHAZANFAR MOHAMMAD
AYUSH SHUKLA
BABAR HAYAT
SCOTT MCKECHNIE (WK)
#Cricket #CHK #CricketHK #HKTeam #T20 #asiancricketcouncil #ACC #AsiaCup2022 #GetReadyForEpic pic.twitter.com/9T1SERIYFE
پاکستان کے خلاف اہم میچ کے لئے ہانگ کانگ کی پلیئنگ الیون میں کپتان نزاکت علی، یاسم مرتضیٰ، بابر حیات، کنچٹ شاہ، اعزاز خان، ذیشان علی، سکاٹ مک کیچنی، ہارون ارشد، احسان خان، ایوش شکلا اور محمد غصنفر شامل تھے۔
قومی ٹیم اب اتوار کو بھارت کے خلاف سپر فور مرحلے میں آمنے سامنے ہوگی، سپر فور کی ٹاپ ٹو ٹیموں کے درمیان فائنل 11 ستمبر کو کھیلا جائے گا۔
