میلبورن: (ویب ڈیسک) قومی کرکٹ ٹیم کے نوجوان فاسٹ باؤلر زمان خان نے لیگ سپنر شاداب خان کا ریکارڈ توڑ دیا۔
آسٹریلیا میں جاری بگ بیش لیگ کے 13 ویں ایڈیشن میں سڈنی تھنڈر کی نمائندگی کرتے ہوئے زمان خان نے ایک سیزن میں 62 وکٹیں لیکر شاداب خان کا قائم کردہ ریکارڈ توڑ دیا، آل راؤنڈر شاداب خان نے گزشتہ سیزن میں 61 وکٹیں حاصل کیں تھی، اس فہرست میں سابق فاسٹ باؤلر اظہر محمود، وہاب ریاض اور حارث رؤف نے 60، 60 وکٹیں لی تھیں۔
میلبرن سٹارز کیخلاف اہم معرکے میں 22 سالہ باؤلر نے 3 وکٹیں حاصل کر کے یہ کارنامہ سرانجام دیا، میچ میں زمان خان نے کپتان گلین میکسویل، ہلٹن کارٹ رائٹ اور جوناتھن مرلو کی وکٹیں لیں تھیں، میلبرن سٹارز پہلی اننگز میں 172 رنز کے مجموعی سکور پر آؤٹ ہو گئی، جواب میں سڈنی تھنڈر نے ہدف 18.2 اوورز میں کامیابی سے حاصل کر لیا۔
فاسٹ باؤلر زمان خان نے 6.00 کے اکانومی ریٹ سے 24 رنز کے عوض 3 کھلاڑیوں کو پویلین کی راہ دیکھائی تھی۔
