کرائسٹ چرچ: (دنیا نیوز) پاکستان نیوزی لینڈ کے درمیان ٹی 20 سیریز کا پہلا میچ کل ہیگلے اوول میں کھیلا جائے گا۔
پاکستان نیوزی لینڈ ٹی 20 سیریز کے آغاز سے قبل ہیگلے اوول گراؤنڈ میں روایتی ویلکم ہوئی جس میں پاکستان اور نیوزی لینڈ کی ٹیمیں شریک ہوئیں، تقریب میں کرائسٹ چرچ کے قدیمی موری ٹرائب کے نمائندوں نے بھی شرکت کی ۔
نیوزی لینڈ کے کپتان مائیکل بریسویل نے پاکستانی ٹیم کو خوش آمدید کہا ، پاکستانی کپتان سلمان علی آغا نے ویلکم تقریب کے انعقاد پر میزبانوں کا شکریہ ادا کیا، تقریب میں میزبانوں نے پاکستانی ٹیم کو موری قبائل کی روایات اور تاریخی اہمیت بارے میں آگاہ کیا۔
اس موقع پر گفتگو کرتے ہوئے قومی ٹی 20 ٹیم کے کپتان سلمان علی آغا کا کہنا تھا کہ تقریب میں شرکت اور ثقافتی تبادلے کا حصہ بننا ہمارے لیے اعزاز کی بات ہے، کرکٹ کا کھیل آپسی محبت احترام اور روایت کے جذبے کو فروغ دیتا ہے۔
