لاہور:(دنیا نیوز) پاکستان کی عرب امارات میں ٹرائی نیشن ٹی 20 سیریز کے شیڈول کا اعلان جلد متوقع ہے۔
پی سی بی ذرائع کے مطابق ٹرائی نیشن ٹی 20 سیریز میں پاکستان، افغانستان اور عرب امارات کی ٹیمیں شامل ہیں، ٹرائی نیشن سیریز کے شیڈول کااعلان اگلے ایک دو روز میں کیا جا سکتا ہے۔
ذرائع نے بتایا کہ ٹرائی نیشن ٹی 20 سیریز کے میچز شارجہ میں ہونے کا امکان ہے ، ٹرائی نیشن سیریز اگست کے آخر میں شروع کرنے کا پلان شیڈول میں شامل ہے۔
کرکٹ بورڈ ذرائع کا مزید کہنا تھا کہ افغانستان نے تین ٹی 20 میچز کی سیریز پاکستان میں کھیلنا تھی، پاکستان نے شیڈولڈ ٹی 20 سیریز کو ٹرائی نیشن سیریز میں تبدیل کرنے کی تجویز دی تھی جب کہ افغانستان اور عرب امارات نے ٹرائی نیشن سیریز پر اتفاق کیا تھا۔
